Արխիվ | September, 2009
Մուսալեռան հերոսամարտի 94-րդ տարելիցը
Հեղինակ` Abraham Balabanyan | Կատեգորիաներ` Մուսալեռ, Տոնակատարություն | September 20th, 2009
Սեպտեմբերի 20-ին մեծ շուքով և ոգևորությամբ նշվեց Մուսալեռան հաղթական հերոսամարտի 94-րդ տարելիցը:
Դեռ նախորդ օրվանից նվագում էին զուռնան ու դհոլը:
Ավանդական դարձած հարիսան որպես մատաղ ժողովրդին բաժանելու պարտականությունը ստանձնեցին <<Մուսալեռ>> հայրենակցական միության երիտասարդական թևի անդամները:
Տոնակատարությանը ներկա էին տարբեր երաժշտական խմբեր, որոնք հուշարձանի դիմաց ներկայացան իրենց երգով ու պարով:
Ժամը 11.00-ին սկսվեց միջոցառման պաշտոնական մասը: Պատվանդանից հանդիսավոր բացման խոսքը հնչեցրեց երիտասարդական թևի վարչության անդամ Սոսի Ղազարյանը: Այնուհետև իր խոսքն ասաց հայրենակցական միության նախագահ Պերճ Ղազարյանը և խնդրեց բոլորին մեկ րոպե լռությամբ հարգել Մուսալեռան հերոսների հիշատակը: Ապա հնչեց ՀՀ օրհներգը: Տոնակատարությանը ներկա էին բազմաթիվ հյուրեր, որոնք նույնպես ելույթ ունեցան:
Այս ամբողջ ընթացքում երիտասարդները մոտ 80 կաթսաներից հարիսան տեղափոխեցին տուփերի մեջ: Պաշտոնական մասի ավարտից հետո բոլորը զուռնա-դհոլի ուղեկցությամբ եկան հարիսայատուն: Սրբազանը օրհնեց հարիսան, որից հետո ողջ մատաղը բաժանվեց ժողովրդին:
Վերջում` հարիսան ուտելուց և երգ ու պարից հետո, միջոցառումը եզրափակվեց:
Շաբաթօրյակ Մուսալեռում
Հեղինակ` Abraham Balabanyan | Կատեգորիաներ` Մուսալեռ, Շաբաթօրյակ | September 6th, 2009
Սեպտեմբերի 6-ին ժամը 10.00-ին Մուսալեռան հուշաձանի տարածքում տեղի ունեցավ շաբաթօրյակ: Աշխատանքներին մասնակցում էին հայրենակցական միության և երիտասարդական թևի մոտ 40 անդամներ:
Ներկվեց զրուցարանը, վերանորոգվեց հարիսայի տարածքը, փխրեցվեց ծառերի հողը և ջրվեց հուշարձանի ողջ տարածքը:
Աշխատանքն ավարտվելուց հետո գցվեց սեղան և սկսվեց երգ ու պարը: Իսկ վերջում, այդ օրը ավելի հիշարժան դարձրեցինք խմբակային լուսանկարով:
-
September, 2009 ամսվա արխիվներ
Հանգանակություն
Մեր խումբը ֆեյսբուքում
ՎԵՐՋԻՆ ՆԿԱՐՆԵՐԸ
The Weather
Մուսա Լեռ06/02/2012, 18:07
Mostly clear12°C