Արխիվ | "Հայտարարություն" կատեգորիա

Ազգային մեծարանք` նվիրված ազատարար ծովակալներին

Հեղինակ` Abraham Balabanyan | Կատեգորիաներ` 95-ամյակ, Լուի Դարթիջ դե Ֆուրնե, Հայտարարություն | October 9th, 2010

Louis Dartige du FournetGabriel DarrieusKishen razmanavy

Հոկտեմբերի 15-ին Ֆրանսիայի Թուլոն քաղաքում տեղի կունենա ազգային մեծարանք` նվիրված մուսալեռցիների ազատարար ծովակալներ Լուի Դարթիջ դե Ֆուրնեին և Գաբրիել Դարիուսին, կտոնվի Մուսալեռան 4100 հայերի փրկության տարեդարձը:

Միջոցառմանը կմասնակցեն.
Բարձր հովանավորությամբ, Ֆրանսիայի պաշտպանության նախարար` Պրն. Հերվե Մորանը,
Ֆրանսիայի նախկին ազատամատիկների նախարար և Թուլոն քաղաքի քաղաքապետ` Պրն. Հերվե Ֆալկոյին,
Ֆրանսիայում Հայաստանի դեսպան` Պրն. Վիգեն Չիթեջյանը,
Արևմտյան Եվրոպայի առաջնորդ` Արք. Նորվան Զաքարյանը:
Մանրամասները`այստեղ:

Մեկնաբանություններ չկան

Դեպի Ամբերդ և Բյուրական

Հեղինակ` Abraham Balabanyan | Կատեգորիաներ` Արշավ, Ժողով, Հայտարարություն, Միջոցառում, Վարչություն | October 4th, 2010

Amberd

Հոկտեմբերի 10-ին, կիրակի առավոտյան ժամը 8.00-ին մեծ ավտոբուսով տեղի կունենա արշավ դեպի Ամբերդ և Բյուրական: Առաջին կանգառը կլինի Ամբերդում, որտեղից ավտոբուսը կուղևորվի դեպի Բյուրական` Հովսեփ Սեֆերյանի առանձնատուն: Այնտեղ կլինի արտահերթ կարճատև ընդհանուր ժողով` կլինեն վարչական կազմի փոփոխություններ, կքննարկվեն որոշ հարցեր: Ժողովից հետո տեղի կունենա ճաշկերույթ և երգ ու պար:

Երեկոյան ժամը 18.00-ին ավտոբուսը ետ կվերադառնա Երևան` Հ. Թումանյանի տուն-թանգարան, որտեղ կազմակերպվելու է բարբառների մրցույթ: Մուսա լեռան բարբառը կներկայացնի «Մուսալեռ» հայրենակցական միության երիտասարդական թևի խորհրդական Գաբրիել Փանոսյանը, ում իրենց ներկայությամբ կաջակցեն մուսալեռցի երիտասարդները:
Միջոցառման ավարտից հետո ցանկացողները կարող են մասնակցել Էրեբունի-Երևանի տարեդարձին նվիրված մեծ տոնին:

Ցանկալի է «Մուսալեռ» հայրենակցական միության երիտասարդական թևի բոլոր անդամների ներկայությունը:

Մանրամասների համար խնդրում ենք կապ պահպանել:

1 Մեկնաբանություն

Մուսալեռան հաղթական հերոսամարտի 95-ամյակ

Հեղինակ` Abraham Balabanyan | Կատեգորիաներ` 95-ամյակ, Հայտարարություն, Մուսալեռ գյուղ, Տոնակատարություն, Ցուցահանդես | September 10th, 2010

MUSALER 95

Լրանում է Մուսալեռան հերոսամարտի 95-ամյակը: Հերոսամարտ, որը դարձավ Հայոց պատմության հերոսական բացառիկ էջերից մեկը:
Մուսալեռցիները, և առհասարակ ողջ հայ ժողովուրդը, հիշում ու հպարտանում են մուսալեռցիների անկոտրում կամքով և կատարած սխրագործություններով:

Հարգելի հայրենակիցներ,

Սիրով հրավիրում ենք ձեզ մասնակցելու Մուսալեռան հերոսամարտի 95-ամյակին նվիրված միջոցառումներին և միասին տոնելու մեր պապերի մեծ հաղթանակը:

ՄԻՋՈՑԱՌՈՒՄՆԵՐԻ ՑԱՆԿ

15 սեպտեմբեր, 2010թ.

  • Ժ. 17.30 – Այցելություն Եսայի Յաղուբյանի հուշակոթող, Շահումյանի գերեզմանատուն:
  • Ժ. 19.30 – Բանկետ «Մուսալեռ» ռեստորանում:

16 սեպտեմբեր, 2010թ.

  • Ժ. 19.00 – Հանդիսավոր երեկո «Նարեկացի» արվեստի միությունում: Մուսա լեռան և Այնջարի հին ու նոր լուսանկարների ցուցահանդեսի բացում, որը կտևի մինչև սեպտեմբերի 19-ը:
  • Ժ. 20.00 – «Մուսա լեռան 40 օրը» ֆիլմի դիտում: Երիտասարդական թևի ձեռնարկ:

17 սեպտեմբեր, 2010թ.

  • Ժ. 13.00 – Միջոցառում Մուսալեռ գյուղի Ֆրանց Վերֆելի անվան դպրոցում:

18 սեպտեմբեր, 2010թ.

  • Ժ. 11.00 – Հերոսամարտի 95-ամյակին նվիրված պատանեկան ֆուտբոլի մրցաշարի վերջնախաղ Մուսալեռ գյուղի մարզադաշտում:
  • Ժ. 19.00 – Տոնական հանդես հուշարձանի հարիսատան մոտ (երգ և պար):
  • Ժ. 21.00 – Խարույկ և շուրջպար հարիսատան մոտ:

19 սեպտեմբեր, 2010թ.

  • Ժ. 09.00 – Սուրբ Պատարագ և հոգեհանգստի արարողություն Հերոսամարտի հուշարձանի մոտ:
  • Ժ. 11.00 – Տոնակատարության հանդիսավոր մասի բացում:
  • Ժ. 13.00 – Մատաղ` հարիսայի օրհնում և բաժանում հարիսատանը:

«ՄՈւՍԱ ԼԵՌ» ՀԲՀԿ-ի վարչություն, հոբելյանական հանձնաժողով

1 Մեկնաբանություն

Մեկնարկում է երկրորդ ընդհանուր ժողովը

Հեղինակ` Abraham Balabanyan | Կատեգորիաներ` Ժողով, Հայտարարություն, Վարչություն | May 9th, 2010

Akhtala

«Մուսալեռ» հայրենակցական միության երիտասարդական թևի առաջին ընհանուր ժողովը տեղի ունեցավ 2009թ. մայիսի 24-ին, Բյուրականում: Այդ օրը ժողովի կողմից ընտրվեց վարչության 9 հոգանոց կազմ (Անտաբյան Վիկտորյա, Բալաբանյան Աբրահամ, Բալաբանյան Հովհաննես, Դերմիշյան Հովհաննես, Կրրիկյան Վահե, Հայրապետյան Նարինե, Ղազարյան Նարեկ, Ղազարյան Սոսի, Շաննակյան Հասմիկ) և կետ առ կետ քննարկվեց ու ընդունվեց կանոնադրությունը:

Մայիսի 30-ին տեղի կունենա երկրորդ ընդհանուր ժողովը: Այն այս տարի տեղի կունենա Ախթալայում: Ժողովի ընթացքում ներկայիս վարչությունը հաշվետվություն կներկայացնի մեկ տարվա ընթացքում արված աշխատանքների մասին: Ապա կընտրվի վարչության նոր կազմ, կստեղծվեն նոր հանձնախմբեր, և կվերահաստատվի երիտասարդական թևի կանոնադրությունը: Վերջում տեղի կունենա հյուրասիրություն:

Bus

Ցանկալի է երիտասարդական թևի բոլոր անդամների մասնակցությունը: Այդ օրը կարևոր ու որոշիչ է բոլոր անդամների կարծիքն ու ձայնը:

Ավտոբուսը կշարժվի առավոտյան ժամը 7.30, Մաշտոցի պողոտայի շուկայի խաչմերուկից, կվերադառնա նույն օրը` երեկոյան:

Մանրամասների համար գրել էլեկտրոնային հասցեին կամ զանգահարել վարչության անդամներին:

Մեկնաբանություններ չկան

Հայոց Մեծ Եղեռնի 95-րդ տարելիցը:

Հեղինակ` Abraham Balabanyan | Կատեգորիաներ` «Մուսա Լեռան 40 Օրը», Թատրոն, Ծիծեռնակաբերդ, Հայտարարություն | April 16th, 2010

Momavarutyun

1915-2010

Այս տարի լրանում է Հայոց Մեծ Եղեռնի 95-րդ տարելիցը: Յուրաքանչյուր հայ երբեք չի մոռանում պատմության այս սև էջը և միշտ վառ է պահում ՑԵՂԱՍՊԱՆՈւԹՅԱՆ 1.5 մլն. անմեղ զոհերի հիշատակը:

Տարելիցի հետ կապված պատրաստվում են մի շարք միջոցառումներ:

Հայաստանի Մշակույթի Նախարարության և Հայկական Բարեգործական Ընդհանուր Միության Հայաստանյան ներկայացուցչության հովանավորությամբ Գաբրիել Սունդուկյանի անվան Պետական Ակադեմիական Թատրոնի դիմաց ապրիլի 23-ին, երեկոյան ժամը 18.30-ին տեղի կունենա մոմավառություն, ապա կցուցադրվի Ֆրանց Վերֆելի վեպի հիման վրա բեմադրված «Մուսա Լեռան 40 Օրը» հոյակապ ներկայացումը:
Ներկայացումից հետո ցանկացողները կարող են մասնակցել ամեն տարի տեղի ունեցող դեպի Ծիծեռնակաբերդ ջահերով երթին:

Թատրոնի մուտքը հրավիրատոմսերով է: Հրավիրատոմսեր կարող են ձեռք բերել «Մուսալեռ» հայրենակցական միության երիտասարդական թևի բոլոր անդամները և առհասարակ յուրաքանչյուր մուսալեռցի:
Ցանկացողները մանրամասն տեղեկությունների ու հրավիրատոմսերի համար կարող են գրել մեր էլեկտրոնային հասցեին, թողել քոմենթ կամ զանգահարել վարչության անդամներին:
Tsitsernakaberd

Հաջորդ օրը «Մուսալեռ» հայրենակցական միության երիտասարդական թևի անդամները հայրենակցական միության հետ կկատարեն պսակադրություն Ծիծեռնակաբերդի բարձունքում` հարգանքի տուրք մատուցելու իրենց նախնիների հիշատակին:

Երթը կսկսվի առավոտյան ժամը 11.00-ին դեպի Ծիծեռնակաբերդ տանող ճանապարհի սկզբից: Կարող են մասնակցել բոլոր մուսալեռցիները:

7 Մեկնաբանություն