Արխիվ | "Նարեկացի" կատեգորիա

Միջոցառումը տեղի ունեցավ 11.04.2009թ., ժամը 17:00-ին ՆԱՄ-ում, որի ժամանակ ներկա էին 60 երիտասարդներ:

Միջոցառման հանդիսավոր բացման ողջույնի խոսքը հնչեց Աբրահամ Բալաբանյանի կողմից, որը շնորհակալություն հայտնեց մուսալեռցի կանանց, որոնք պատրաստել էին միջոցառման ուտեստներն և ՆԱՄ-ին` սրահը տրամադրելու համար: Հայտնեց, որ ստեղծվելու է վեբ-կայք, որի միջոցով ամբողջ աշխարհի մուսալեռցի երիտասարդները կկարողանան ծանոթանալ ու շփվել միմյանց հետ: Այնուհետև խոսքը փոխանցեց Շաննակյան Հասմիկին` ներկա բացակա անելու համար:

Այնուհետև խոսքը տրվեց Փանոսյան Գաբրիելին: Գաբրիել Փանոսյանը ողջունեց բոլոր հավաք‎վածներին: Նշեց, որ չնայած Մուսա լեռան երիտասարդական միության երկրորդ հավաքն է, բայց վարչության անդամներով արդեն մի քանի անգամ ժողովներ են ունեցել: Ներկաներին փոխանցեց Հայր Հովակիմ Մանուկյանի և Հայր Թորգոմ Տոնիկյանի ողջույնները, որոնք հարգելի պատճառով ներկա չէին միջոցառմանը: Շնորհավորեց Հովհաննես Դերմիշյանին Եվրոպայի ախոյանական խաղերում 3-րդ տեղը գրավելու կապակցությամբ և Մելինե Դալուզյանին` 2-րդ տեղ գրավելու կապակցությամբ:

Հայտնեց, որ մոտակա ժամանակներում կունենանք մեր վեբ-կայքը, որի միջոցով կստեղծենք մեր պատմությունը և կկարողանանք կապվել ամբողջ աշխարհի մուսալեռցի երիտասարդների հետ, պատկերացում կկազմենք, թե ինչ թիվ ունենք: Նշեց, որ կայքի ստեղծման ծախսերը հոգալու են տեր և տիկին Թասլաքյանները: Բոլոր հավաքված երիտասարդներին կոչ արեց, որ ապրիլի 24-ին, ժամ 11:00-ին միանան ՄՀՄ-ին, որպեսզի, բարձրանալով ծիծեռնակաբերդ, հարգանքի տուրք մատուցեն Եղեռնի զոհերին: Հայտնեց, որ մայիս ամսին Բյուրականում հրավեր ունենք, որի ժամանակ պետք է բոլոր անդամների կողմից վավերագրվի կանոնագիրքը և ընտրվի առաջին վարչությունը: Շնորհակալություն հայտնեց մուսալեռցի տիկիններին` Հասմիկ Թասլաքյանին, Անի Թաշյանին, Աստղիկ Փանոսյանին, Նարինե Դումանյանին` միջոցառման ուտեստները պատրաստելու համար: Շնորհակալություն հայտնեց հովանավորներին`

Տեր և տիկին Սերոբ և Մադլեն Տեր-Պողոսյաններին -30000 դրամ,

Տեր և տիկին Մովսես և Հուռի Թասլաքյաններին- 300դոլար

ՆԱՄ նախագահին և տնօրենին` Նարեկ Հարությունյանին և Թովմաս Այնթաբյանին:

Հրավիրվեց Տեր Մովսես Քահանա Ղազարյանը, որպեսզի իր պատգամը փոխանցի ներկաներին: Նա նշեց, որ մեծ ուրախություն է ապրել, երբ լսել է, որ Սուրբ Սարգսի տոնին տեղի է ունեցել երիտասարդների առաջին հավաքը: Նշեց, որ իրենք իրենց գործունեության ընթացքում միշտ ունեցել են երիտասարդների օգնության կարիքը, բայց առանձին միություն չեն ունեցել: Սկզբնական ժամանակներում մուսալեռցիներին շատ չէին ճանաչում, և շատ մեծ դժվարությունով, մուսալեռցի մտավորականների օգնությանբ հաջողվել է թարգմանել և տպագրել <<Մուսա լեռան քառասուն օրը>> գիրքը: Մուսալեռցի հերոս Յուզբաշյանի մահվանից հետո Երևանի խորհուրդ ներկայացվեց հուշարձանի կառուցման հայտ, որի կառուցվելուց հետո այդ հուշարձանի մոտ են անցկացրել իրենց միջոցառումները: 1969թ-ին հերիսա եփելու միջոցառմանը հրավիրել են մտավորականների, որոնց մուսալեռցի մտավորականները հուշել են, որ կարելի է մի ավան կոչել Մուսա լեռ և այդ ավանում կառուցել հուշարձան իրենց պապերի հիշատակին:

Երկու տարվա տանջանքերից հետո Գերատույն Սովետի որոշմամբ մի ավան կոչվեց Մուսա լեռ, որը մեծ խանդավառությամբ ընդունվեց: Սակայն հուշարձանի կառուցման համար թույլտվություն չէր տրվում: Այդ ժամանակ ներկայացվեց Հայրենական պատերազմի ժամանակ զոհված երկու մուսալեռցու անուներ, որոնց համար պետք է հուշարձան կառուցվեր: Դրա միջոցով հաջողվեց թույլտվություն ստանալ հուշարձանի կառուցման համար:

Տեր Մովսես Քահանա Ղազարյանը մաղթեց երիտասարդներին, որ ունենան ամուր հոգի, լինեն քաջ, պատվախնդիր, աշխատասեր: Վերջում արտասանեց բանաստեղծություն:

Այնուհետև Ղազարյան Սոսին բոլոր հավաքվածներին հրավիրեց ճաշակելու մուսալեռցի տիկինների պատրաստած համեղ ուտեստները: Հետո բոլոր հավաքվածները միասին երգեցին <<Հալա-հալա նինոյե>> երգը , որի բառերը նախօրոք բաժանվել էին ներկաներին: Որպիսզի հավաքվածները միմյանց ավելի լավ ճանաչեին, խաղ կազմակերպվեց:

բոլոր նկարները…

Հայաստանում Մուսա լեռան երիտասարդական միության առաջին հավաքը տեղի ունեցավ 07.02.2009թ., ժամը 17-00-ին` Նարեկացի արվեստի միությունում (ՆԱՄ): Հավաքին ներկա էին 45 երիտասարդներ:

Մուսա լեռան բարբառով հնչեց ողջույնի խոսքը Գաբրիել Փանոսյանի կողմից, այնուհետև Գաբրիել Փանոսյանը ընթերցեց կանոնադրությունը: Բարի գալուստի խոսքից հետո հավաքված երիտասարդներից յուրաքանչյուրը ինքն իրեն ներկայացրեց` ասելով թե Մուսա լեռան որ գյուղից և որ գերդաստանից է:

Հավաքի համար Նարեկացի կենտրոնը սիրահոժար կերպով տրամադրվել էր Մուսա լեռան երիտասարդական միությանը, որի համար Գաբրիել Փանոսյանը իր շնորհակալական խոսքը հայտնեց Թովմաս Այնթաբյանին:

Ապա հրավիրեց Նարեկ Հարությունյանին, որն իր խոսքը ուղղեց ներկաներին: Դրանից հետո Թովմաս Այնթաբյանը հայտնեց, որ շատ ուրախ է, որ ՆԱՄ-ում առաջին անգամ հնչեց Մուսա լեռան բարբառը:

Մուսալեռ Հայրենակցական Միության կողմից խոսք առավ վարչության անդամներից Վարդգեսը, որը ողջունեց երիտասարդական միության ստեղծումը, բայց նշեց, որ երիտասարդական միության ստեղծումով հետագայում պառակտումներ չլինեն միության մեջ: Նշեց նաև, որ Վագ‎‎‎‎‎‎‎‎‎ըֆ գյուղը միակն է, որը մնացել է քրիստոնեական և ունի իր եկեղեցին:

Ողջույնի խոսքը հասավ Հայրենակցական Միության նախագահին` Պերճ Ղազարյանին, որը շատ էր ուրախացել, որ այդքան մուսալեռցի երիտասարդներ էր տեսել: Նշեց, որ 60-ական թթ-ից գործում է Հայրենակցական միությունը, նշեց հիմնադիրների անունները և ներկաներին բաժանեց Մուսա լեռի գրքույկները:

Այնուտետև Սոնյա Թաշյանը խոսեց Սուրբ Սարգսի տոնի մասին, ասեց, որ Մուսա լեռում ունենք Սուրբ Սարգսի սրբավայրը: Նշեց Սուրբ Սարգսի քումբայի պատրաստման եղանակը:

Գևորգ Հաճյանը ներկայացավ իր երգով: Ներկաների մեջ էր նաև Բրազիլիայի հյուպատոս Հովսեփ Սեֆիլյանը, որն իր քաջալերական խոսքը հնչեցրեց ներկաներին, որը սակայն ծագումով մուսալեռցի չի:

Խոսք առավ նաև Հայր Թորգոմ Տոնիկյանը, որը պատմեց իր` Մուսա լեռան այցելության հուշերից:

Ներկա 7 կամավորականներից կազմվեց վարչության անդամներ.

1. Շաննակյան Հասմիկ

2. Ղազարյան Սոսի

3. Չախչախյան Տաթևիկ

4. Դերմիշյան Հովհաննես

5. Հայրապետյան Նարինե

6. Աշկարյան Լուսինե

7. Մանուկյան Անի

Այնուհետև Եսայի Չախչախյանը ողջունեց երիտասարդական միության ստեղծումը:

Գևորգ Չաքմանյանը, որ Տարոն Երգչախմբի ղեկավարն է և Մուսալեռցի փեսա, հանդես եկավ իր երգով:

Սոսի Ղազարյանի կողմից ներկաներին բաժանվեց սուրբ Սարգսի տոնին նվիրված փոքրիկ գրքույկներ:

Այնուհետև բոլոր հավաքվածները միասին սկսեցին երգել <<Հալա-հալա նինոյե>> երգը:

Հայր Հովակիմ Մանուկյանը օրհնեց սեղանը, ապա ներկաները հյուրասիրվեցին ավանդական սուրբ Սարգսի քումբայով, Մուսա լեռան պանիր հացով և կաթնի քաղքայով:

Փակման խոսքը հնչեցրեց Հայր Հովակիմ Մանուկյանը` նշանաբան ունենալով <<Հաջորդ անգամ Մուսա լեռում>>:

Այնուհետև բաժանվեց դիմումագրեր` միությանը անդամագրվելու համար :

Մասնավոր շնորհակալություն հայտնվեց այդ օրվա հյուրասիրություն պատրաստողներին:

բոլոր նկարները…