Արխիվ | "Տոնակատարություն" կատեգորիա

Մուսալեռան հաղթական հերոսամարտի 96-ամյակը

Հեղինակ` Abraham Balabanyan | Կատեգորիաներ` Թերթեր, Միջոցառում, Մուսալեռ, Տոնակատարություն | September 18th, 2011

96th Anniversary of the Heroic Battle of Musa Dagh

ՇՆՈՐՀԱՎՈՐ ՏՈՆԴ, ՄՈՒՍԱԼԵՌՑԻ:

Լրացավ Մուսալեռան հաղթական հերոսամարտի 96-ամյակը: Իրադարձություն, որը մեծ տոն է ոչ միայն մուսալեռցիների, այլև ողջ հայության համար: Դեռ շաբաթ օրվանից` սեպտեմբերի 17-ին, մարդկանց մեծ հոսք էր սկսվել դեպի Մուսալեռան հուշահամալիր: Ամենուր տիրում էր ջերմ և տոնական տրամադրություն. երիտասարդները ճամբարներ էին հիմնում, Հայրենակցական միության անդամները կատարում էին նախապատրաստական աշխատանքներ: Երեկոյան արդեն հուշարձանի շրջակայքը շատ մարդաշատ էր: Դեռ հեռվից լսվում էին Մուսալեռան թմբուկի ու զուռնայի ոգեշնչող հնչյունները:

Chambar himnelisEritasardakan tevi chambary

Մինչ ներկաները շուրջպար էին բռնել, պարում ու երգում էին, հարիսայատանը արդեն սկսվել էր ավանդական հարիսայի պատրաստման բարդ գործընթացը: Խորհրդանշական 96 կաթսաների տակ վառվում էր կրակը, որը շարունակվեց մինչև առավոտ:

96-amyak

Ավելի ուշ վառվեց մեծ խարույկ, որի շուրջ թմբուկի ուժգին հարվածների տակ շրջան կազմեցին հարյուրավոր մուսալեռցիներ և ուղղակի այցելուներ: Երգն ու պարը ուղեկցվեցին հրավառությամբ:

Kharuyk

Ուշ երեկոյան «Մուսալեռ» հայրենակցական միության երիտասարդական թևի ճամբար անակնկալ այցելություն կատարեց Այնջարի քաղաքապետ Կարո Փամբուկյանը: Նա ծանոթացավ մուսալեռցի երիտասարդների հետ և խարույկի շուրջ նստած ներկաներին մանրամասնորեն ներկայացրեց Այնջարի ողջ պատմությունը հիմնադրման օրվանից: Թեև կարճատև, բայց հաճելի և հանգամանալից հանդիպումը քաղաքապետի հետ ավարտվեց խմբակային լուսանկարով:

Karo Pambukyan

Ողջ գիշեր երիտասարդական թևի ճամբարում տիրեց ուրախ և տոնական մթնոլորտ: Առավոտյան մուսալեռցի երիտասարդների օգնությամբ ավարտին հասցվեց հարիսայի պատրաստումը:

Harisan harelisHarisa

Կիրակի` սեպտեմբերի 18-ին, ժամը 11-ին հուշարձանի բեմահարթակից հանդիսավոր կերպով Մուսալեռան հաղթական հերոսամարտի 96-ամյակին նվիրված տոնախմբությունը հայտարարվեց բացված: Միջոցառման բացումը կատարեց «Մուսալեռ» հայրենակցական միության վարչության անդամ Եսայի Չախչախյանը: Հավաքված հարյուրավոր հանդիսականներին բեմահարթակից իրենց խոսքն ասացին միության նախագահ Պերճ Ղազարյանը, երիտասարդական թևի անդամներ Կարինե Փանոսյանը և Արամ Շարբաթյանը, Հովակիմ Եպիսկոպոս Մանուկյանը, ԱՄՆ Հայ-Ավետարանչական ընկերակցության գործադիր տնօրեն Լևոն Ֆիլյանը, Արմավիրի մարզպետ Աշոտ Ղահրամանյանը և այլ պատվավոր հյուրեր: Ելույթներին հաջորդում էին ազգային երգերն ու պարերը. ներկայացան մի շարք ազգագրական պարային խմբեր և երգիչներ:

Handisavor mas

Այս ողջ ընթացքում երիտասարդ մուսալեռցիները հարիսայատանը համապատասխան տարաների մեջ տեղափոխեցին հարիսան, որը բաժանվելու էր ներկաներին:

Harisan ltsvum e taraneri mejHarisan orhnvum e

Թմբուկ-զուռնայի և ժողովրդի ուղեկցությամբ պատվավոր հյուրերը եկան հարիսայատուն: Հովակիմ Եպիսկոպոս Մանուկյանը օրհնեց հարիսան, որից հետո երիտսարդները հերոսամարտի 18 նահատակների և 4000-ից ավել փրկվածների հիշատակի մատաղ հարիսան բաժանեցին ժողովրդին:

Harisan bajanelisHarisan bajanvets joghovrdin
Լրատվամիջոցներ. panorama.am-ը, epress.am-ը, neonews.am-ը, armradio.am-ը օրվա վերաբերյալ:
բոլոր նկարները…

2 Մեկնաբանություն

Մուսա Լեռան հերոսամարտի 95-ամյակին նվիրված տոնախմբություն

Հեղինակ` Abraham Balabanyan | Կատեգորիաներ` 95-ամյակ, Միջոցառում, Մուսալեռ գյուղ, Մուսալեռցիներ, Տոնակատարություն | September 19th, 2010

Musaler 95

95 տարի է անցել Մուսալեռան հաղթական հերոսամարտից: Մեծ շուքով ու խանդավառությամբ այս մեծ հաղթանակը արդեն նշվել է Այնջարում, Մուսալեռում, ԱՄՆ-ի, Կանադայի, Ավստրալիայի և Եվրոպայի շատ քաղաքներում: Հերոսամարտի 95-ամյակին նվիրված հնգօրյա միջոցառումներից հետո տոնախմբությունը սկսվեց նաև Հայաստանում:
Դեռ շաբաթ երեկոյան արդեն մարդկանց մեծ բազմություն էր հավաքվել Մուսալեռան հուշարձանի շուրջ: Մինչ հարիսատանը 95 կաթսաներում եփվում էր հարիսան, խարույկի շուրջ չէին լռում Մուսալեռան թմբուկն ու զուռնան, մինչև ուշ գիշեր պար էին բռնել մուսալեռցիները և ուղղակի հուշարձան այցելուները:

Շատերը վրաններում ուրախությունը շարունակեցին մինչ առավոտ:

Harisan epvum eMusaleran tmbuknery
Shabat erekoyanVranner Musalerum

Կիրակի առավոտյան ժամը 9-ին Մուսալեռան հուշարձանի մոտ տեղի ունեցավ Սուրբ Պատարագ և հոգեհանգստի արարողություն: Ժամը 11-ին սկսվեց տոնակատարության պաշտոնական մասը: Մուսալեռան հուշարձանից 95 ամյակին նվիրված տոնախմբության հանդիսավոր բացումը կատարեց «Մուսալեռ» հայրենակցական միության երիտասարդական թևի ատենապետ Աբրահամ Բալաբանյանը: Այնուհետև ելույթ ունեցան «Մուսալեռ» հայրենակցական միության նախագահ Պերճ Ղազարյանը, ՀՀ սփյուռքի նախարար Հրանուշ Հակոբյանը, Վագֆից ժամանած Պրն. Հերգելյանը և այլ պաշտոնական անձիք:

Handisavor masPashtonakan hyurer

Այս ողջ ընթացքում հարիսատանը «Մուսալեռ» հայրենակցական միության երիտասարդական թևի անդամները տուփերի մեջ էին բաշխում արդեն պատրաստ հարիսան, իսկ հուշարձանի դիմաց հնչում էին Մուսալեռան երգերը, պարային համարներ էին կատարում տարբեր խմբեր` ելույթ ունեցան «Կարին» և «Վերադարձ» ազգագրական պարային համույթները:

Պաշտոնական մասի ավարտից հետո ներկաները թմբուկների ուղեկցությամբ այցելեցին հարիսատուն, որտեղ հանդիսավոր կերպով Սրբազանը օրհնեց հարիսան, որից հետո մատաղը բաժանվեց ժողովրդին:

HushardzanyHarisatany
Par hushardzani dimatsPar
բոլոր նկարները…

Մեկնաբանություններ չկան

Մուսալեռան հաղթական հերոսամարտի 95-ամյակ

Հեղինակ` Abraham Balabanyan | Կատեգորիաներ` 95-ամյակ, Հայտարարություն, Մուսալեռ գյուղ, Տոնակատարություն, Ցուցահանդես | September 10th, 2010

MUSALER 95

Լրանում է Մուսալեռան հերոսամարտի 95-ամյակը: Հերոսամարտ, որը դարձավ Հայոց պատմության հերոսական բացառիկ էջերից մեկը:
Մուսալեռցիները, և առհասարակ ողջ հայ ժողովուրդը, հիշում ու հպարտանում են մուսալեռցիների անկոտրում կամքով և կատարած սխրագործություններով:

Հարգելի հայրենակիցներ,

Սիրով հրավիրում ենք ձեզ մասնակցելու Մուսալեռան հերոսամարտի 95-ամյակին նվիրված միջոցառումներին և միասին տոնելու մեր պապերի մեծ հաղթանակը:

ՄԻՋՈՑԱՌՈՒՄՆԵՐԻ ՑԱՆԿ

15 սեպտեմբեր, 2010թ.

  • Ժ. 17.30 – Այցելություն Եսայի Յաղուբյանի հուշակոթող, Շահումյանի գերեզմանատուն:
  • Ժ. 19.30 – Բանկետ «Մուսալեռ» ռեստորանում:

16 սեպտեմբեր, 2010թ.

  • Ժ. 19.00 – Հանդիսավոր երեկո «Նարեկացի» արվեստի միությունում: Մուսա լեռան և Այնջարի հին ու նոր լուսանկարների ցուցահանդեսի բացում, որը կտևի մինչև սեպտեմբերի 19-ը:
  • Ժ. 20.00 – «Մուսա լեռան 40 օրը» ֆիլմի դիտում: Երիտասարդական թևի ձեռնարկ:

17 սեպտեմբեր, 2010թ.

  • Ժ. 13.00 – Միջոցառում Մուսալեռ գյուղի Ֆրանց Վերֆելի անվան դպրոցում:

18 սեպտեմբեր, 2010թ.

  • Ժ. 11.00 – Հերոսամարտի 95-ամյակին նվիրված պատանեկան ֆուտբոլի մրցաշարի վերջնախաղ Մուսալեռ գյուղի մարզադաշտում:
  • Ժ. 19.00 – Տոնական հանդես հուշարձանի հարիսատան մոտ (երգ և պար):
  • Ժ. 21.00 – Խարույկ և շուրջպար հարիսատան մոտ:

19 սեպտեմբեր, 2010թ.

  • Ժ. 09.00 – Սուրբ Պատարագ և հոգեհանգստի արարողություն Հերոսամարտի հուշարձանի մոտ:
  • Ժ. 11.00 – Տոնակատարության հանդիսավոր մասի բացում:
  • Ժ. 13.00 – Մատաղ` հարիսայի օրհնում և բաժանում հարիսատանը:

«ՄՈւՍԱ ԼԵՌ» ՀԲՀԿ-ի վարչություն, հոբելյանական հանձնաժողով

1 Մեկնաբանություն

Մուսալեռան հերոսամարտի 95 ամյակի և Այնջարի հիմնադրման 70 ամյակի միջոցառումների շարքի հանդիսավոր փակում

Հեղինակ` Abraham Balabanyan | Կատեգորիաներ` 95-ամյակ, Այնջար, Միջոցառում, Մուսալեռցիներ, Տոնակատարություն | August 21st, 2010

Hyurerin dimavorelisDepi ekegheci

Օգոստոսի 21-ին երեկոյան ժամը 5-ին Այնջարի հրապարակում քաղաքապետը, ՀՅԴ «Կարմիր Լեռ» կոմիտեությունը, ՀՄԸՄ Այնջարի փողերախումբը և ողջ ժողովուրդը մեծ հանդիսավորությամբ դիմավորեցին ԼՂՀ նախագահ Բակո Սահակյանին, ՀՀ սփյուռքի նախարար Հրանուշ Հակոբյանին, Լիբանանում ՀՀ դեսպան Աշոտ Քոչարյանին և Մեծի Տանն Կիլիկիո Արամ Ա Կաթողիկոսին: Բոլորը քայլեցին մինչև Սբ. Պողոս եկեղեցի, որտեղ պատարագ կատարվեց: Ապա «Սարգիս Զեյթլյան» կենտրոնի բակում տեղի ունեցավ Այնջարի նահատակներին նվիրված հուշակոթողի բացումը, իսկ երեկոյան եկեղեցու բակում տեղի ունեցավ հատուկ միջոցառում` նվիրված Մուսալեռան հերոսամարտի 95 և Այնջարի հիմնադրման 70 ամյակին: Միջոցառման ընթացքում Հրանուշ Հակոբյանը փոխանցեց ՀՀ նախագահ Սերժ Սարգսյանի ուղերձը: Իրենց խոսքն ասացին ԼՂՀ նախագահ Բակո Սահակյանը, Մեծի Տանն Կիլիկիո Արամ Ա Կաթողիկոսը, ՀՅԴ բյուրոյի ներկայացուցիչ Հրանտ Մարգարյանը: Ելույթ ունեցավ Այնջարի նորաստեղծ «Կաքավիկ» պարախումբը: ՀՀ սփյուռքի նախարարության կողմից պարգևատրվեցին շատ մուսալեռցիներ:
Միջոցառման վերջում ներկաները այցելեցին հարիսայի պատրաստման վայր:

Hushardzani batsumyHyurery

Հաջորդ առավոտյան, Սուրբ պատարագից հետո, հյուրերը մասնակցեցին հարիսայի օրհնության արարողությանը, այնուհետև հյուրընկալվեցին գյուղի ճաշարաններից մեկում: Այստեղ ևս տեղի ունեցան պարգևատրումներ:

Ughektsum en KatoghikosinAram A Katoghikos

Մեկնաբանություններ չկան

Մուսա Լեռան հերոսամարտի 95 ամյակ: Այնջարի հիմնադրման 70 ամյակ: Հոբելյանական Մարմնի կոչը

Հեղինակ` Abraham Balabanyan | Կատեգորիաներ` Այնջար, Տոնակատարություն | February 28th, 2010

Musaler-Anjar

ԿՈՉ

ՀԱՅ ԺՈՂՈՎՐԴԻ ԲՈԼՈՐ ԶԱՎԱԿՆԵՐԻՆ ԵՎ ՀԱՏԿԱՊԵՍ ԲՈԼՈՐ ՄՈՒՍԱԼԵՌՑԻ-ԱՅՆՋԱՐՑԻՆԵՐԻՆ


Սիրելի Հայրենակիցներ,

2009-ին մուսալեռցիների նոր արծվաբույն Այնջարը եղավ 70 տարեկան, իսկ 2010-ը զուգադիպում է Մուսա Լեռան փառավոր հերոսամարտի 95-րդ տարեդարձին:
Զույգ առիթները լավագույնս արժեվորելու համար կազմվել է Հոբելյանական մարմին, որը արդեն մի քանի ամիս է գործում է:
Մարմինը հստակեցրել է իր իրականացնելիք ծրագրերը (6 օգոստոս – 22 օգոստոս, 2010), որոնք շուտով կդառնան բոլորի սեփականությունը: Հոբելյանական Մարմինը պետք է կապի մեջ լինի աշխարհի տարբեր երկրներում գտնվող Մուսալեռան հայրենակցական միությունների և անհատ մուսալեռցիների հետ (որտեղ հայրենակցական միություններ չկան):

Սույն կոչով մենք դիմում ենք մեր բոլոր հայրենակիցներին` հրավիրելով մասնակցելու այս ձեռնարկներին և այլազան միջոցներով քաջալերելու մշակված տարբեր ծրագրերը:

Հետևաբար, գալիք օգոստոս ամսին բոլորս ժամադրված ենք Այնջարում` զույգ ամյակները արժանի կերպով հիշատակելու և մեր երթը առաջ մղելու համար: Եկեք միասնաբար ամուր պահենք մեր նոր արծվաբույնը և կենդանի պահենք մեր կապը մեր արմատների ու պատմության հետ:

ԱՅՆՋԱՐ

Մեկնաբանություններ չկան