Արխիվ | "95-ամյակ" կատեգորիա

«CNN International»-ը Մուսա Լեռան մասին

Հեղինակ` Abraham Balabanyan | Կատեգորիաներ` 95-ամյակ, Հայտարարություն, Հեռուստաընկերություն | October 22nd, 2010

CNN InternationalYerkir Media

«CNN International» հեռուստաալիքը այս շաբաթվա համար պատրաստել է հաղորդում նվիրված Մուսա լեռան հերոսամարտին: Տեսանյութը, որը պետք է հեռարձակվի, պատրաստել է «Երկիր Մեդիա» հեռուստաալիքը` հանձինս թղթակցուհի Գայանե Ավետիսյանի: Տեսանյութում պատկերված է Հայաստանում մուսալեռցիների երթը դեպի Մուսալեռան հուշարձան, ինչպես նաև հարցազրույցներ Հայաստանում բնակվող մուսալեռցիների հետնորդների հետ:

«CNN International»-ի հաղորդումները կցուցադրվեն հետևյալ օրերին և ժամերին (Երևանի ժամանակով).

  • Ուրբաթ, հոկտեմբերի 22-ին, ժամը 10.30;
  • Ուրբաթ, հոկտեմբերի 22-ին, ժամը 18.30;
  • Կիրակի, հոկտեմբերի 24-ին, ժամը 06.30;
  • Կիրակի, հոկտեմբերի 24-ին, ժամը 13.30;
  • Երեքշաբթի, հոկտեմբերի 26-ին, ժամը 08.30:

Հաղորդումների հեռարձակումից հեոտ տեսանյութերը հնարավոր կլինի դիտել www.cnn.com/worldview կայքում:

3 Մեկնաբանություն

Ազգային մեծարանք` նվիրված ազատարար ծովակալներին

Հեղինակ` Abraham Balabanyan | Կատեգորիաներ` 95-ամյակ, Լուի Դարթիջ դե Ֆուրնե, Հայտարարություն | October 9th, 2010

Louis Dartige du FournetGabriel DarrieusKishen razmanavy

Հոկտեմբերի 15-ին Ֆրանսիայի Թուլոն քաղաքում տեղի կունենա ազգային մեծարանք` նվիրված մուսալեռցիների ազատարար ծովակալներ Լուի Դարթիջ դե Ֆուրնեին և Գաբրիել Դարիուսին, կտոնվի Մուսալեռան 4100 հայերի փրկության տարեդարձը:

Միջոցառմանը կմասնակցեն.
Բարձր հովանավորությամբ, Ֆրանսիայի պաշտպանության նախարար` Պրն. Հերվե Մորանը,
Ֆրանսիայի նախկին ազատամատիկների նախարար և Թուլոն քաղաքի քաղաքապետ` Պրն. Հերվե Ֆալկոյին,
Ֆրանսիայում Հայաստանի դեսպան` Պրն. Վիգեն Չիթեջյանը,
Արևմտյան Եվրոպայի առաջնորդ` Արք. Նորվան Զաքարյանը:
Մանրամասները`այստեղ:

Մեկնաբանություններ չկան

Մուսա Լեռան հերոսամարտի 95-ամյակին նվիրված տոնախմբություն

Հեղինակ` Abraham Balabanyan | Կատեգորիաներ` 95-ամյակ, Միջոցառում, Մուսալեռ գյուղ, Մուսալեռցիներ, Տոնակատարություն | September 19th, 2010

Musaler 95

95 տարի է անցել Մուսալեռան հաղթական հերոսամարտից: Մեծ շուքով ու խանդավառությամբ այս մեծ հաղթանակը արդեն նշվել է Այնջարում, Մուսալեռում, ԱՄՆ-ի, Կանադայի, Ավստրալիայի և Եվրոպայի շատ քաղաքներում: Հերոսամարտի 95-ամյակին նվիրված հնգօրյա միջոցառումներից հետո տոնախմբությունը սկսվեց նաև Հայաստանում:
Դեռ շաբաթ երեկոյան արդեն մարդկանց մեծ բազմություն էր հավաքվել Մուսալեռան հուշարձանի շուրջ: Մինչ հարիսատանը 95 կաթսաներում եփվում էր հարիսան, խարույկի շուրջ չէին լռում Մուսալեռան թմբուկն ու զուռնան, մինչև ուշ գիշեր պար էին բռնել մուսալեռցիները և ուղղակի հուշարձան այցելուները:

Շատերը վրաններում ուրախությունը շարունակեցին մինչ առավոտ:

Harisan epvum eMusaleran tmbuknery
Shabat erekoyanVranner Musalerum

Կիրակի առավոտյան ժամը 9-ին Մուսալեռան հուշարձանի մոտ տեղի ունեցավ Սուրբ Պատարագ և հոգեհանգստի արարողություն: Ժամը 11-ին սկսվեց տոնակատարության պաշտոնական մասը: Մուսալեռան հուշարձանից 95 ամյակին նվիրված տոնախմբության հանդիսավոր բացումը կատարեց «Մուսալեռ» հայրենակցական միության երիտասարդական թևի ատենապետ Աբրահամ Բալաբանյանը: Այնուհետև ելույթ ունեցան «Մուսալեռ» հայրենակցական միության նախագահ Պերճ Ղազարյանը, ՀՀ սփյուռքի նախարար Հրանուշ Հակոբյանը, Վագֆից ժամանած Պրն. Հերգելյանը և այլ պաշտոնական անձիք:

Handisavor masPashtonakan hyurer

Այս ողջ ընթացքում հարիսատանը «Մուսալեռ» հայրենակցական միության երիտասարդական թևի անդամները տուփերի մեջ էին բաշխում արդեն պատրաստ հարիսան, իսկ հուշարձանի դիմաց հնչում էին Մուսալեռան երգերը, պարային համարներ էին կատարում տարբեր խմբեր` ելույթ ունեցան «Կարին» և «Վերադարձ» ազգագրական պարային համույթները:

Պաշտոնական մասի ավարտից հետո ներկաները թմբուկների ուղեկցությամբ այցելեցին հարիսատուն, որտեղ հանդիսավոր կերպով Սրբազանը օրհնեց հարիսան, որից հետո մատաղը բաժանվեց ժողովրդին:

HushardzanyHarisatany
Par hushardzani dimatsPar
բոլոր նկարները…

Մեկնաբանություններ չկան

Պատանեկան ֆուտբոլի մրցաշարի վերջնախաղ Մուսալեռ գյուղի մարզադաշտում

Հեղինակ` Abraham Balabanyan | Կատեգորիաներ` 95-ամյակ, Մուսալեռ գյուղ | September 18th, 2010

Musaleri timi erkrpaguneryFootballi verjnakhagh

Սեպտեմբերի 18-ի առավոտյան տեղի ունեցավ Մուսա լեռան հերոսամարտի 95-ամյակին նվիրված պատանեկան ֆուտբոլի մրցաշարի վերջնախաղ Մուսալեռ գյուղի մարզադաշտում: Խաղում էր նաև Մուսալեռ գյուղի թիմը: Չնայաց մուսալեռցիների բազում երկրպագուների, թիմը պարտություն կրեց` գրավելով երկրորդ հորիզոնականը:

Խաղից հետո երկու թիմերն էլ «Մուսալեռ» հայրենակցական միության կողմից ստացան հուշամեդալներ և նվերներ: Մուսալեռցիների թիմում խաղում էր նաև Վագֆ գյուղից եկած երիտասարդը` թիմի առաջին բնիկ մուսալեռցին:

Pargevner footbalistnerinPargevatrum
Vagftsi footballistyMusaleri timy

2 Մեկնաբանություն

Միջոցառում Մուսալեռ գյուղի Ֆրանց Վերֆելի անվան դպրոցում

Հեղինակ` Abraham Balabanyan | Կատեգորիաներ` 95-ամյակ, «Մուսա Լեռան 40 Օրը», Այց, Թատրոն, Մուսալեռ գյուղ | September 17th, 2010

Մուսա լեռան հորոսամարտի 95-ամյակը նշվեց նաև Մուսա լեռ գյուղի Ֆրանց Վերֆելի անվան դպրոցում: Կեսօրին դպրոց այցելեցին Մուսալեռան Վագֆ գյուղից ժամանած մուսալեռցիները և «Մուսալեռ» հայրենակցական միության վարչությունը: Հյուրերը, դպրոցի բակում արժանանալով ջերմ ընդունելության, շրջեցին դասարաններով, շփվեցին երեխաների հետ:

Dprotsi ashakertnery dimavorum en hyurerinDasasenyakum

Վագֆից ժամանած հյուրերը դպրոցի աշակերտներին գրենական պիտույքներ նվիրելուց հետո ուղևորվեցին դպրոցի դահլիճ` դիտելու Ֆրանց Վերֆելի «Մուսա լեռան 40 օրը» ներկայացումը, որը պատրաստել էին դպրոցի երեխաները: Մեծ բավականություն ստանալով ներկայացումից` իրենց կարծիքը արտահայտեցին «Մուսալեռ» հայրենակցական միության նախագահ Պերճ Ղազարյանը, Վագֆից Հակոբ Հերգելյանը և Ստամբուլի «Մուսալեռ» հայրենակցական միության նախագահ Միսակ Հերգելյանը, որից հետո հյուրերը Մուսալեռան թմբուկի ուղեկցությամբ հրաժեշտ տվեցին դպրոցին:

NerkayatsumMusa leran 40 ory
Dprotsi dahlichumSardarapat

Օրվա միջոցառումները եզրափակվեցին Սարդարապատ այցելությամբ, որտեղ բոլորը վայելեցին Սարդարապատի զանգերի ղողանջը, շրջեցին թանգարանում, իսկ բակում հնչեց Մուսա լեռան թմբուկը:

Մեկնաբանություններ չկան